السلام عليكم ورحمه الله وبركاته اهلا بكم متابعي مدونة التقني | Eltqni فى كل مكان اليوم مع مقدمة عن دورة الربح من بلوجر وتعريف بالأساسيات علشان تبدأ بمدونة كويسة، وتبدا تفيد الناس وتبدا تفيد الناس وأهم حاجة فى الكلام ده كله انك متحاولش تحط فى دماغك فكرة الربح وانت لسة مبتدأ دى خالص "شيل فكرة الربح من دماغك اهم حاجة المحتوى اللى بتقدمة للناس"نيجى بقى للشروط..!!
- تروح على جوجل وتعمل حساب خاص بيك عادى جدا وليه 100 شرح على جوجل.
- تروح تسجل على منصة بلوجر.
- تبدأ تدور على قالب محترم على حسب المجال الى حضرتك هتشتغل فيه سواء تقنية او اخبار او العاب الخ.
- تبدأ تعدل على القالب كويس بحيث ان القالب يبقى منظره كويس للزائر والالوان لازم تكون داكنه او مش لازم تكون فاتحة اووى + تظبط اعدادات القالب كاملة.
- تعمل قناة يوتيوب تبع المدونة وتبقى بنفس الاسم بتاع المدونة.
- تبدأ تشوف المجال اللى هتشتغل فيه زى ماقولتلك فوق.
- تبدأ كتابه المواضيع ولازم مواضيعك تبقى احترافيه ومختلفة عن غيرك تماما فى التنسيق بتاعه واسلوب الشرح وكل ده هنشرحه فى الدروس اللى جايه باذن الله.
- يفضل ان صورة الموضوع تبقى من صنعك انت شخصيا يعنى متكونش جايبها من مدونة تانيه او موقع تانى وديما تحط اللوجو بتاعك على اى صورة تنزلها عندك على المدونة.
- تعمل صفحات على الفيسبوك وجوجل بلس وتويتر للمدونة بتاعتك وتبقى بنفس الاسم "تمام"
- واخر حاجة ودى أهم حاجة متحاولش تنسخ اى موضوع من مدونة خلى مواضيعك كلها حصرى بنسبة 100%علشان تضمن للناس محتوى جيد من صنعك وتكسب ثقة الزوار.
وكدة يكون شرحنا انتهى انهاردة واشوفكم فى الدروس القادمة باذن الله.